دستور يا اسيادنا

هكتب فى موضوع مهم جدا ويهم الفئه المثقفه اكثر.هل احنا مثقافين والمرشحين للانتخابات مثقافين واعضاءنا فى المجلس مثقافين .عضو مجلس الشعب فى اول جلسه بيقسم انه يحافظ على سلامه البلاد وان يحترم الدستور والقانون واجزم ان 99%من الاعضاء لايعرفون الدستور والقانون اللى هيحترموه عايز اى حد يذهب لاى مرشح فى دائرته ويسأله هو ايه الدستور .اللى هتحترمه. المرشح هيجاوب الدستور هو (دستور ياسيادنا او لااحم ولا دستور.وكمان هل المرشحين اللى هيترشحوا يعرفوا كام حزب فى مصر وهل يعرفوا مبادئ الحزب الوطنى اللى بتهافتوا عليه؟ طبعا لا لانهم عايزين يضمنوا تأيد الحكومه والسلام
بالرغم ان فيه 24 حزب فى مصر
الدستور هو:القانونالاعلى الذى يحدد القواعد الاساسيه لشكل الدوله ونظام الحكم وشكل الحكومه وتنظيم السلطات
والقانون هو:مجموعه من القواعد التشريعيه التى تنظم سلوك الفرد فى المجتمع بصورة عامه ومجرده وتوقيع الدوله اى السلطات التنفيذيه جزاء على من يخالفها
وكمان هقولكم احزاب مصر الساسيه وهى:
الحزب الوطنى الديمقراطى
حزب الاحرار الاشتراكى
حزب التجمع الوطنى التقدمى الوحدوى
حزب العمل الاشتراكى
حزب الوفد الجديد
حزب الامه
حزب مصر العربى الاشتراكى
حزب الخضر المصرى
حزب الاتحاد الديمقراطى
حزب مصر الفتاه
الحزب العربى الناصرى
حزب الشعب الديمقراطى
حزب العداله الاجتماعيه
حزب الاتفاق الاجتماعى
حزب الوفاق القومى
حزب الجيل الديمقراطى
حزب مصر 2000
حزب الغد
الحزب الدستورى الاجتماعى
حزب شباب مصر
حزب السلام الديمقراطى
حزب المحافظين
الحزب الجمهورى الحر
حزب الجبهه الديمقراطيه
ايه رأيكم فى الموضوع ده وهل انتم موافقينى انى المرشحين او الاعضاء بمعنى اصح بيقسموا على حاجه هم مش عارفنها

حقيقى كلامك استاذ حسام لابد ان احنا نعرف اولا من هو العضو الى احنا ها نختارة اولا ما نخدوش اى حد الى لما نعرفو من هو وايى فئة ينتمى اليها المشكلة عندنا ان احنا بناخد العضو الى احنا عارفين اتن هو ها يفيدنا لمصالحنا الخاصة فقط ليس للمصلحة العامة لابد ان احنا نقف وقفة صح لازم نتقدم خطوة ما نتنوش واقفين مكاننا

والله يا ا/عز الناس فى الوقت الحالى ظروفها صعبه وكل واحد يهمه مصلحته لانهم مش ملائكه لكن ده دورك ودورى ودور اى واحد عنده حاجه ممكن يقدمها للناس .وعلى فكره مش شرط اننا يكون دورنا اننا نختار مرشح او ننصح الناس بمرشح معين
المفروض دورنا يكون اكبر واعمق من كده يعنى لو عندنا نصيحه ننصح او لو عندنا معلومه نقولها ونساعد نفسنا كمان ونتصالح معاها علشان ربنا يساعدنا .

والله موضوع مهم جدا يا اخ حسام وياريت يكون من شروط قبول المرشح ان يخوض اختبارات من اهمها قياس قدرته الثقافية ومدي فهمه لسياسة بلده الداخلية والخارجية ومدي استيعابه لمواد الدستور........
يعني مش كل من هب ودب ينوب عن فئات مختلفة من الناس وكفاية ينوب عننا الأميين ثقافيا وفكريا وحتي يكون هناك احترام لعقول الناس المنوب عنهم.

د / مفيد
لماذا لم ترد على موضوعي في منتدى الإعلانات

اشكر ابو مريم على الرد وانا معاك فى كل الكلام ده

عزيزى الدكتور /مفيد موضوع المناظره دى محدش هيوافق به اكيد من المرشحين. وكل واحد عنده اسبابه واحنا كمجتمع معندناش الثقافه دى .وعلى فكره المرشح مش لازم يكون ملم بالاحداث فقط لازم يكون عنده قبول وكاريزما .وده هيساعده كتير
وعايز اسأل حضرتك مين اللى قالوا لك ؟على موضوع الحزب
على فكرة الدورة اللى فاتت فكرنا كشباب نعمل مناظرة بين الكابتن محيى والكابتن مراد وحددنا يوم مع الكابتن مراد وقال اللى هو عايزة وحددنا مناظره للكابتن محيى وكانت يوم عيد الفطر بالليل والكابتن محيى فتح قلبه لكل الشباب اللى كانوا ضده وكانت على اعلى مستوى من الديمقراطيه وجاوب على كل الاسئله والاشاعات اللى كانت بتتردد فى الوقت ده .والجميع خرج منها مبسوط ومستفاد .وعلشان نعمم الخطوة دى على مستوى المركز هتحتاج مجهود كبير وكمان لتوفير الوقت الخطوة دى بتم بعد الجميع بعلن ترشيحه ونختاروا اقوى 6مرشحين 3فئات و3عمال وفلاحين ومش شرط يكونوا مجتمعين نذهب لكل مرشح ونسجل معاه ونتكلم معاه ونشوفوا. والناس اللى تذهب عنده يكونوا مجموعه شباب تمثل معظم الدايرة وتكون مجهزة باسأله.وحضرتك هتكون من السته المرشحين انشاء الله