فاكر ولا افكرك

الأنسان بيمر بفترات مختلفه فى حياته يلا نناقشها سوا:

اولا فترة الرسم (اللي قبل الخطوبة)

طبعا اغلب الرجاله بيمروا بالفترة دي
اول مايلاقي البنت اللي تدخل دماغه يبدأ بقا الرسم على تقيل
امال يعني الفريسة تقع ازاي

1- مش عارف ليه انا برتاح لما اتكلم معاكي (من الاخر كده بعرف اخد راحتي في الفشر )

2- انا بيعجبني تفكيرك (بس طبعا بعد الجواز ممنوع تفكري تاني )

3- تصدقي انا طلعت اعرف اخوكي مش هو ........ (سألت عنك واتطقست لحد ماعرفت تاريخ عيلتكم )

4- البنت اللي هارتبط بيها لازم تكون فاهماني (اصلي معقد ومش بسهولة حد يفهمني )

5- انا بدور على عروسة (ماما بتدورلي وقالتلي ادور وهي تعاين )

6- انا حكيتلهم عنك في البيت (اخدت رأي ماما فيكي وهاتعاين وتقولي )

7- مرتاحة في شغلك والا لا(من الاخر كده بتاخدي كام عشان اعمل حسابي )

8- معنديش مشكلة في اللي هارتبط بيها تكون بتشتغل (اهو تجيب مصاريفها برده .. اوعي تفكري تسيبي الشغل )

9- انتي اكتر بنت محترمة اتكلمت معاها (طبعا كل اللي اعرفهم ......ماعلينا )

10- انا عاوز اجي اخطبك (ماما شافتك وقالتلي اخطبك )

خليكوا معانا
داحنا يادوب في فترة ماقبل الخطوبة
وماخفي كان اعظم

اوكى يا تقيل
هههههههههههههههه
لك خالص احيااااااااتى على مشاركتك
وعلم انك كنت بارعا فى ذلك

اشكر مرورك وانا والله مش بارع ولا حاجة دا انا غشيم فى الحلجات دى وما احبش المدادية
ويا ريت ايام زمان ترجع

طبعا اغلب الرجاله بيمروا بالفترة دي
اول مايلاقي البنت اللي تدخل دماغه يبدأ بقا الرسم على تقيل
امال يعني الفريسة تقع ازاي
من فضلك ياباشا مش عاوزين تحيز
الرجاله هم ايضا بيقعوا فريسة
من رسم البنات

اه .......... دا اعتراف بقى
نفسى اعرف مين بقة اللى وقعت ابو عبد السلام علشان اعمل لها موضو جديد نحييها فى المنتدى

اوكى يا مدرس اشرح واحنا نمتحن ادينا من عندك خلينا نتعلم انت جربت خلينا نجرب ازان الفريسة تقع مشكور يا دكتور على الموضوع الجميل دة