ادخل وشوف ومش ها تخسر احلى النتكت الى ممكن تقرائها

مره المدرس سأل الاطفال فى الفصل الى يفتكر نفسه غبى يقف ... بعد شويه وقف تلميذ .فساله المدرس و ليه بقه يا سيدي بتفتكر نفسك غبي .فرد عليه
التلميذ اصلي محبيتش اشوفك واقف لواحداك يا أستاذ

مرة طفل بلدياتنا راح للبقال فقال لة عمو عندك الشوكلاتة ام ربع جنية قال لة البقال نعم عندى فقال الطفل طيب بكام

التلميذ : بحبك يا أبله و عاوز أجوزك... المدرسه: بس
أنا مبحبش الأولاد الصغيرين... التلميذ: وأنا مش مستعجل على الأولاد
**واحد بيستهبل اتجوز وحده بتستهبل ، خلفو واد ... لما خرج عمل فيها ميت

**مرة واحد ندل وصى ولادة وهوفى غرفة الانعاش يكونو ا اندل منه ، راحو فصلوا عنه جهاز الاوكسجين
** مره واحد ساب عربيته دايره رجع لقها مثلث
**مذيعة تليفزيون قابلت شاب فى الشارع سألته سؤال جاوب إجابة صحيحة ، طلبت
منه يحب يشوف أيه ، أجاب الشاب بسرعة: أمى الله يرحمها ، ردت المذيعة مستحيل و ترجته انه يطلب طلب آخر ، فكر الشاب ثم قال : أحب أشوف مصر بتنظم وتأخذ كأس العالم` ... ردت المذيعة بسرعة لأ أجيبلك مامتك أسهل.
مرة [/color]

** بياع جرايد ابوه مات مشى فى الجنازة يقول اقرا الفاتحة
** حكم كوره أعد على قهوه ...طلب واحد صفر

**مره واحد ابنه طلع من الأوائل عمل ايه ؟؟؟؟ شفروه

*ليه الصعيدى يلبس بنطلون احمر؟عشان هو بيحب
اللون الاحمر ...طب ليه بيلبس بنطلون اخضر ؟؟؟؟عشان البنطلون الاحمر فى
الغساله

جماعة مساطيل بيتفرجوا على الاخبار .... فنشرة الاخبار طولت فراح الاولانى قال للتانى :هى لية نشرة الاخبار طولت النهارد كدة؟ فراح
التانى رد عية وقال معلش اصل شكلها كدة النهاردة اخر حلقة
**مرة واحد محشش اتصل على بيت قال محمد موجود قالوا الرقم غلط قالهم...طيب بتردوا ليه

*واحد مسطول راح مطعم وقال لصاحب المطعم سندوتش طعمية من غير سلطة.. صاحب المطعم كمان مسطول قال له من غير سلطة ايه؟ قال له : من غير سلطة قوطة -صاحب المطعم : ماعنديش سلطة قوطة اعمله من غير سلطة طحينة؟؟؟

** مرة واحد مسطول جه يخرج من العربية لقى الدنيا بتمطر راح خارج من الباب التانى

** تاكسي.مصطفى كامل عالبحر؟ مشفتووش

* محشش نائم جت امه تصحيه في الصباح قالت قوم يا
ولدي الشمس طلعت قال دخليها وقفلي الباب


* مرة بلديات دماغة لفت ، قابلها من الشارع التانى

**شرطي صعيدي في الخدمة لقى قرد في الشارع وداه للضابط المسؤول عنه وقاله : يا باشا انا لقيت قرد أوديه على فين ؟

قال الضابط : على حديقة الحيوانات

غاب الشرطي الصعيدي ساعتين ورجع هووالقرد ، الضابط بيسأله ايه الي رجعك؟

قاله يا باشا وديته على حديقة الحيوانات ، تحب أخده دلوقتي أفسحه في الملاهي؟

**مرة واحد اطرش وقف سواق تاكسي اطرش برده وقاله مصر الجديدة ؟

رد السواق وقال لا والله انا رايح مصر الجديدة

رد الراجل وقال معلش انا كنت فاكراك رايح مصر الجديدة

**واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة اخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له اتفضل إنت الأول .

مره دكتور عظام مشى بليل الكلاب طلعت تجرى وراه

**واحد صاحب مزرعة فراخ محمل العربية فراخ و سايق وقفته لجنة و

سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها قمح" قالوله غرامة 100 جنيه "بتأكل الفرخ قمح و البلد مش لاقية تاكل؟؟".

و هو مكمل وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها زبالة" قالوله غرامة 100 جنيه "بتأكل الفراخ زبالة و تسمم الناس؟".

الراجل مكمل ع الطريق وقفته لجنة، الظابط سأل له "محمل إيه؟" قال له فراخ، قال له "بتأكلها إيه؟" قال له "و الله يا باشا، أنا بادي لكل فرخة مصروف وهي تجيب الأكل اللي عايزاه"

**يقولك فيه حرامي دخل بيت عشان يسرق

وهو يفتش في البيت طلعت عليه صاحبه البيت وكانت تخينه اوي ومسكته ورمته على الارض وقعدت عليه

وراحت تنادي ولدها: محمد انده ابوك من على القهوه

الحرامي قاله بسرعه يامحمد وحياة والدك بسرعة

**مره دكتور مجانين دخل على العيانين بتوعوا العنبر لقاهم معلقين واحد مكان النجفه بيلفوا حوليه وبيغنوا النور جه النور جه ولقى مجنون قاعد ساكت لوحده فقله الدكتور انت مش فرحان زييهم بالنور ليه قاله يادكتور طيب دوول مجانين حد يعمل كده برده قاله كويس يعني انت عاقل قاله طبعا قاله طيب ليه مش خليتهم ينزلوه رد عليه المجنون كده برده يا دكتور يعني ننزله ونقعد في الضالمه

**ثلاثة مجانين طالعين فوق الشجرة ، جالهم الطبيب النفساني وقالهم انزلوا من فوق الشجرة نزلوا اثنين وبقا واحد قاله انته ياللي فوق مانزلتش ليه ؟

صحبابه المجانين قال لو : سيبوا ، ده ليسة ماستواش

**مرة حرامى سرق تلفزيون من بيت واحد غبي، جرى وراه الغبى علشان يعطيه الرموت

**مرة واحد سافر الكويت لقى الاسامى بوحمد و بو فهد و بو محمد و بو فيراس راح سمى نفسه بوكيمون.

**محشش سأل واحدة اسمك ايه؟ اجابت : أسماء. فقال: يعني ما فيش اسم محدد

**مرة واحد راح السودان بالليل ملاش حد.

**صومالى ركبه عفريت العفريت مات من الجوع.

**قزم عطس..... راسه اتخبطت فى الارض.

**اثنين مديرين ... واحــد عــام ... وواحــد غـــرق.

**مره واحد اسمه مفتاح مات اهله مزعلوش عليه عشان عندهم نسخه غيره.

**واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية.

**ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟ الاسبوع فيه حد ، والموس فيه حدين ، والصحراء ما فيهاش حد

**محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق

**بلدينا ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها

**واحد بلدياتنا رجع بلده بعد المتحانات و وصى زميله يشوفله النتيجة و لو كان طالع بمادة يقوله محمد بيسلم عليك و لو مادتين يقوله محمدين بيسلم عليك فبعتله و قله امة لا إله الا الله بتسلم عليك

**واحدة ست تخينة قوى قوى مش عارفين يوزنوها علشان الميزان كل مرة ينكسر جابوا احدث ميزان من برة وقالوا خلاص هنعرف وزنها بعد ماطلعت على الميزان الميزان خرج ورقة مكتوب عليها لو سمحتوا ياجماعة واحد واحد بالدور.

**مسطول راح يودع فلوسه في البنك لقاه مغلق قام دخل الفلوس من تحت الباب.

**سكران دخل على صيدلية فقال للصيدلي : اعطيني سندوش فول

فقال الصيدلي بعصبية دى صيدلية مش مطعم

فدخل سكران تاني ، وسأل ايه القصة فقال له الصيدلي القصة

السكران التاني : سيبك منه ادينى سندوش شورمة

**مرة دكتور دخل عنبر فى سراية المجانين لقى واحد بيخبط دماغة فى الحيطة سأل الممرضة ماله ده ؟

قالت أصله كان بيحب واحدة ومتجوزهاش دخل العنبر الى بعده لقى واحد بيضرب نفسة بالشبشب

قالها وده ماله قالتله أصل ده اللي اتجوزها.

عاوزه اشوف الردود ماليه الصفحه

ماشى ياعز صباح الابتسامة على عيونك وزوقك الجميل

هههههههههههههههههه والله انته كبير

تسلم يا ابو حبيبه على الابتسامات والنكت دي

تسسسسسسسسسسسسسسسسسسسسسسسسسسلم وأكيد أتمني من الله أن يديم الأبتسامه علي ... الوجوه الطيبه.... كل التقدير والتحيه