الأهلى يفوز على حرس الحدود

فى مباراة مثيرة أحرقت أعصاب جمهور الأهلى فاز الأهلى على حرس الحدود فى المحطة قبل الأخيرة فى الدورى العام ليتساوى مع الاسماعيلى فى عدد النقاط ويسير بنا الدورى نحو مباراة فاصلة بين الأهلى والاسماعيلى والتى حدد لها يوم 24-5 فى حال فوز الأهلى والاسماعيلىفى المباراة القادمة لكل منهما

انشاء الله والاهلى هيفضل يحرق دمكم على طول ومش هتغدو الدورى والدورى للدراويش دراويش دراويش دراويش الاهلى الاكذوبه

الى مجهول

أكيد انت زملكاوى...... الفريق الأفضل هياخد الدورى الأهلى أو الاسماغيلى....مش هتفرق.... ولا داعى لهذا التعصب الأعمى والفريق الذى يحصل على الدورى نقول له مبروك ... المهم أن يرتفع المستوى لأن ذلك من مصلحة الفريق القومى حتى يستطيع حسن شحاته أن يختار مجموعة من اللاعبين يستطيع بها أن يصعد الى كاس العالم ولا يهم من أين جاء بهم المعلم حسن شحاته سواء من الأهلى أو من الزمالك أو من الاسماعيلى أو حتى من مركز شباب المهم أن نصعد الى كاس العالم

انا لا اهلاوى ولا زملكاوى بس الاهلى فرقه **** ودايما بيلاقو مسانده من جميع الاتجاهات يعنى الاسماعيلى بينافس على الدورىومش بيلعب على ارضه وكمان بدون جمهور ولو العكس كان الاهلى هيلعب بدون جمهور احسبها

الاخ المجهول المفروض اننا جايين نتعارف ونرتقى بمستوانا حقيقة فى لحظة تسجيلك ترددت من قبول اسم مجهول لكن قلت سوف يظهر من اسلوبه لكن انت بدأت فى الالفاظ اللى لا تقبلها على اقاربك وخاصة ان المنتدى فيه اخوات لنا محترمين وهم اخوات اعضاء محترمة فى المنتدى فسوف نترك لك فرصة لترتقى بحوارك لكى يليق باخوانك واخواتك فى المنتدى .......... منتظر منك الرد

انا ماغلطش فى اشخاص معينه والبعدين الاختلاف فى الراى لايفسد للود قضيه

انا رايي يا مجهول انك غلط لان كلامك بيدل على الاستفذاذ وده مش اسلوبنا لا فى مواضعنا ولا فى روددنا فى المنتدى

وزى ما قال الاخ / الادمن ان سوف نترك لك فرصة لترتقى بحوارك لكى يليق باخوانك واخواتك فى المنتدى ..........

وبكده الاختلاف فى الرأى مستحيل لا يفسد للود قضية :

ده رايى فى الاهلى واعتقد ان مضمون كلامى لا يوجد فيه تعبير عن الاستفذاذ دى راى وراى اخر والاختلاف فى الراى لايفسد للود قضيه

[

ليس هناك أى مشكلة فى أن يقول كل انسان رأيه أي ان كان هذا الرأى حتى ولو مخالف لكل الأراء ... هذا ليس مشكلة ....ولكن يجب أن يكون محتوى الرأى من الكلمات مسموح به أدبيا فلا يحتوى الرأى على كلمات تحيد عن الخط المستقيم .... لأن الراى فى النهاية يدل على ثقافة وفكر ونضج صاحبه .... وهذا الملتقى لنتبادل الفكر والثقافة ويحكمنا الحوار الجيد... حتى نفخر بهذا المنتدى ...

بشكرك يا دكتور جزيل الشكر على ردك وعلى فكرتك فى طرح موضوعك

أما أنا فدا ردى ورأيى الاخيرعلى [ المجهول ] انت مؤمن اوى ان الاختلاف فى الرأى لا يفسد للود قضية

[ لكن فعلا حقيقى الرأى فى النهاية بيدل على ثقافة وفكر ونضج صاحبه ]

الاخ الدكتور محمد سالم واضح ان المجهول شاب ولسه فيه حماس الشباب وهو والحمد لله بيتجاوب فى الحوار زى ما احنا شايفين جايز هو ماكنش متصور زعلنا غير انه على هذا النادى لكن لمل خد باله اننا نقصد اسلوب الحوار الراجل بدأ يطور حواره خصوصا لما حس بفارق السن وانه بيتكلم مع اخوته الكبار فنرحب بيه رغم انه مجهول لنا كشاب من شبابنا ونقول له خليك فى المهم وضم باقى زملائك فى المنتدى على فكرة بصفتى مدير الموقع اعرف ان المجهول من شباب البكاتوش فنرحب به مرة اخرى

هى دى الروح الرياضية ولا بلالالالالالالالالالالالالالالالالالالالالالالاش

وبصفتى عضوة من الاعضاء فى المنتدى فابرحب بيك معنا واتمنى قريبا ان شاء الله نشوف ونقرأ اول موضوع ليك بس يكون بيعد بقى عن الكورة عشان ما نرجعش نقول ...........

الاختلاف فى الرأى لا يفسد للود قضية ههههههههههههههههههه ولا اية رأيك تانى