هل مصر هي ام الدنيا؟؟!! ام اننا نبالغ

فيه سؤال من زمان فى دماغى بيلح عليا بس مش عارف اساله لمين؟ ولو سالته حلاقى اجابه ولا لأ ..من زمان الحكايه دى ولكنه بدا يضغط على زهنى ويورقنى فى الفترة الاخيرة
لكن من يومين وانا قاعد مع احد الاخوة الاكبر منى سنا والبافقة منى فسالتة
هى ليه مصر ام الدنيا؟ عشان ايه يعنى مصر ام الدنيا؟
[ندعوك للتسجيل في المنتدى أو التعريف بنفسك لمعاينة هذه الصورة]
سكتت فترة ثم قال لى بيقولوا عشان الحضاره اللى بقالها 7000 سنه
سمعتها وسكت ومتكلمتش ورجعت افكر تانى
من زماااان من ايام مكنا عيال بنسمع شادية بتغنى الاغنيه المشهوره
هى ام الدنيا مصر..هى وردة كل عصر
لكن اللى بساله …ليه …ليه مصر ام الدنيا؟ عايز اعرف الاسباب
هل فعلا زى ما قالت اختى عشان الحضاره اللى انشات من 7000 سنه؟؟ طب واحنا عملنا ايه بعد ال 7000 سنه دول عشان نفتخر بيه
لو خدتوا بالكم شويه احنا بنقول حضارة انشأت من 7000 سنه ..يعنى بنفخر بالمصريين القدماء اللى عملوها من 7000 سنه…طب والناس اللى جت بعد كده..ايه مصيرهم حصلهم ايه؟؟ياترى فهمتوا قصدى؟؟ يعنى عدى على مصر 7000 سنه عاش فيها ناس وماتوا واندثروا ولم يعرف عنهم التاريخ شيئا ولم يعرف عنهم المصريين نفسهم حاجه…واتعودنا على كده منعملش حاجه ونتلزق فى اللى عملوه اللى قبلنا خلاص بقت دى سمة المصريين…
معلش طولت فى الحكايه دى بس مش ده اصلا الموضوع نرجع للسؤال

ليييييه مصر ام الدنيا حد يجاوبنى
عشان النيل؟؟؟ طب مهى العراق فيها نهرين والاردن فيها نهر وامريكا فيها انهاااااااااار كتيره محدش قال على امريكا ليه ام الدنيا؟
ولا مره سمعنا شاديه امركانيه بتغنى هى ام الدنيا امريكا او الاردن او ..او…او
كل ماحد يتكلم عن مصر يقولك النيل والاهرامات طب ايه تانى …
ناسها الطيبين.المزلولين..المطحونين وفى المواصلات متكربسين
السؤال ده دايما بيجى على بالى كتيييير
[ندعوك للتسجيل في المنتدى أو التعريف بنفسك لمعاينة هذه الصورة]
هى ليه مصر ام الدنيا؟
بيجى لما بشوف راجل عجوز شادد عربيه كارو صغيره عليها شوية خص او جرجير اوشوية تين شوكى اخر النهار منهك من ومش لاقى حد يشد معاه..مش العربيه انا اقصد يشد معاه همه
بيجى لما بشوف امرأه عجوز مسنه تتسول فى الاشارات لا تجد من يعولها او من يضمن لها عيشه كريمه (اقصد ولا مؤاخذ التكافل الاجتماعى – معلش هو لفز اصبح عيب اليومين دول بس محدش يزعل منى)
بيجى لما بلاقى طفل مشرد نايم جنب اى صندوق قمامة او تحت كوبرى
بيجى لما بلاقى الشعب راكب اتوبيس ومدلدل من الباب عشان يروح شغله اللى اصلا يادوب ياكله عيش وشوية فول
بيجى لما بشوف طواااااابير الشباب على اى مصلحة (بيقولوا) بيقولوا انهم عايزين تعيينات وياعينى يصوروا يقدموا الاوراق المطلوبه وبعدين ستك عند خالتك عشان اصلا الاعلان ده معمول

على فكرة اكبر اكزوبة
فى الدنيا ان مصر ام الدنيا

عندك حق يا ريس واللة احنا بنكدب على نفسنا واللة مصر هى اوسخ بلد فى العالم