منتدى أبناء كفرالشيخ
مرحب بك اخى الزائر
منتدى أبناء كفرالشيخ
مرحب بك اخى الزائر
منتدى أبناء كفرالشيخ
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى أبناء كفرالشيخ


 
الرئيسية  أحدث الصور  التسجيل  دخول  المنتدى العام                          

 

 اقولك شعر ؟

اذهب الى الأسفل 
2 مشترك
كاتب الموضوعرسالة
titanic
500
500
titanic


عدد الرسائل : 594
العمر : 40
العمل/الترفيه : محاسب
نقاط : 918
تقييم العضو : 11
تاريخ التسجيل : 11/11/2009

اقولك شعر ؟ Empty
مُساهمةموضوع: اقولك شعر ؟   اقولك شعر ؟ Icon_minitimeالجمعة مارس 30, 2012 6:53 pm

أقُولْ لِكْ شِعْرْ؟

..سؤال قلتُه بْمَلل ليها وانا مُخنوق
وصاحبي ويّا صاحبتها قُريّبْ منّنا قاعدين
..في رحلة شوق
..عينيه في عْـنيها مش داريين بكلّ الناس
..عيونهم مليانين إحساس
وحتى الرّمش مابيرمشّ
خايف لو تضيع نظره
ونظرتهم تساوي كتير
...ماهيش نظرة عيون وخلاص
..ْعيونُه مركبْ اتطوَّح في بحر عْـنيها بيعافـِر
..وحالف إنه راح يوصل.. ولو طول الحياه سافـِرْ
..وبحر عْـنيها -من حظي- مالوش مَرْسَى
..مالوش آخِرْ
..واقرَّب منها تتّاخِرْ
!!!ومش عارف أنا اعمل إيه
دا انا بالصُّدفه جايْ ويّاه.. وهيّه معاها بالصُّدفه
وانا واقف وكات واقفه
ولاجل الرَّحمه والرأفه
..قعدت معاها نتكلم
..ومِ الأوّل وهيّه عن الكلام صامت.. ما بتردّش
..حاولت اقنعها إن الفيلم مش صامِت.. ما بتردّش
!وإيه الحلّ في اللي انا فيه؟
* * *
أَقُولْ لِكْ شِعْرْ؟
باكلّمها ووِشّي ناحية اصحابنا
..باشوف إيه اللي كان حاصِلْ
..ولسَّه عيونه وِسْط عيونها بتواصِلْ
..ولسَّه إيديه في قلب إيديها بتواصِلْ
!!!وانا قاعد بعيد عنهم... وبيني وبينها ميت فاصِلْ
!وهاعمل إيه؟
مافيش مواضيع
وكل ما اشوف كلام بيضيع
..ولمّا اسأل
تجاوبني على قدّ السؤال بالظبطْ
..وانا اتلخبطت
مش عارف ألاقي سؤال تجاوبُه كمان
..عِرِفْت الإسم والعنوان
..عِرِفت المهنه والكليه واصحابها اللي كانوا زمان
..وعُقدتها مع العربي
..وكانت عِلمي مش أدَبي
ومن ذوقي.. ومن أدَبي
..مانيش عايزُه يكون تحقيق
..أنا عايزُه كلام موصول ما بينـَّا.. من صديق لصديق
ساعتها القـَعْده تِشْرِحْ قلبها وقلبي
..ولو يعني ماهيش طايقاني
!!ليه في الأصل جَتْ جنبي؟
* * *
أَقُولْ لِكْ شِعْرْ؟
..مافيش غيرُه
..ولو قـَعْدتنا هتطوّل.. مافيش غيرُه
..ولو هنعيدها مِ الأوّل.. مافيش غيرُه
:قالتْ لِي بإيدْها
سَمّعني
كما لو كنت انا يعني
..غريق تايه
وهيّه القشه... من غيرها هاباتْ مقتول
وفي الآخر.. بدأت أقول
..عن الأمل اللي تاه ما رجعش من خوفي
..عن الحب اللي كان وانشقّ بظروفي
وفجأه
لقيتها لفّتْ لي.. وبصّتْ لي
وحسّيت الأمل بيعودْ
..وأوّل مرّه بالمح لون عينيها السّودْ
..وانا موعود وقلبي بالعيون السّودْ
ما نقدر مرّه نحْكمهَا
..ومن يومْهَا
..وانا قاعد معاها هناك
..وباسرح جوّا ننّ العين
..وصاحبي ويّا صاحبتها.. قـُريّب منّنا قاعدين
عيوني مركب اتطوّح في بحر عْـنيها بيعافـِرْ
وحالف إنه راح يوصَل.. ولو طول الحياه سافـِرْ
..وبحر عْـنيها -من حظـُّه- مالوش مرسَى
..ْمالوش آخِر
..يقرّب منها تتـَّاخِرْ
واشوف صاحبي بيلمحنا بطرْف عْـنِيِه
:ويهمِس ليها بالرَّاحَه
!!أَقُولْ لِكْ شِعْرْ؟
* * *
الرجوع الى أعلى الصفحة اذهب الى الأسفل
الرئيس ابو زياد
3000
3000
الرئيس ابو زياد


عدد الرسائل : 3134
العمر : 39
العمل/الترفيه : محاسب
نقاط : 4621
تقييم العضو : 121
تاريخ التسجيل : 13/08/2009

اقولك شعر ؟ Empty
مُساهمةموضوع: رد: اقولك شعر ؟   اقولك شعر ؟ Icon_minitimeالأربعاء أبريل 04, 2012 1:05 pm

قول ياعم ماجمل كلامتك حمد الله على السلامة
الرجوع الى أعلى الصفحة اذهب الى الأسفل
 
اقولك شعر ؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أبناء كفرالشيخ :: المنتدى العام-
انتقل الى:  
facebook