منتدى أبناء كفرالشيخ
مرحب بك اخى الزائر

منتدى أبناء كفرالشيخ


 
الرئيسية  مكتبة الصور  الأعضاء  التسجيل  دخول  المنتدى العام                          

شاطر | 
 

 تعالوا شوفوا الشاب ده اختار اللي هتكمل معاه الطريق ازاي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Hazem Awad El sayed
300
300
avatar

عدد الرسائل : 310
العمر : 28
العمل/الترفيه : مدرس لغة إنجليزية
نقاط : 513
تقييم العضو : 0
تاريخ التسجيل : 09/12/2010

مُساهمةموضوع: تعالوا شوفوا الشاب ده اختار اللي هتكمل معاه الطريق ازاي   السبت أكتوبر 15, 2011 10:19 pm

تعالوا شوفوا الشاب ده اختار اللي هتكمل معاه الطريق ازاي
عجبتنى جدا بيوت الشعر دى

شفتها على أحد الجروبات

أظن انها هتعجبكم زى ماعجبتنى

هو شعر كتبه أحد الشباب بيوصف فيه
...................

أسيبكم معاه وهتعرفوا بيوصف ايه؟؟


حبيتك لإلتزامك . . . . . . . . . . . . حبيتك لاحترامك

حبيت فيكي التواضع . . . . . . . . . . . . والعزة اللي ف كلامك

مبسوط منك لأنك . . . . . . . . . . . . إسلامك كل همك

أنا أصلي قابلت بابا . . . . . . . . . . . . وداني فكرة عنك

وسألته عن طباعك . . . . . . . . . . . . إن كانت يعني هادية

فحكالي عن سماعك . . . . . . . . . . . . لكلامه وانتى راضية

وازاي بتسلي نفسك . . . . . . . . . . . . بذكرك وانتى فاضية

وحلاوة صوت تلاوتك . . . . . . . . . . . . وازاي بتكوني شادية

* * *

وسألته إن كنتي فاهمة . . . . . . . . . . . . معنى كلمة زوجين

قالي هتكونوا ورقة . . . . . . . . . . . . مطبوعة نسختين

غني كنت أو فقير . . . . . . . . . . . . ليك عند بنتي دين

سرك هيكون في بير . . . . . . . . . . . . معرفش مكانه فين

تفضل دايماً كبير . . . . . . . . . . . . في نظرها حبتين

لو جيت بفلوس كتير . . . . . . . . . . . . تطمن جت منين

* * *

هتكون دايماً معاها . . . . . . . . . . . . سيرتك هتكون هواها

والشوق اللي ف خيالك . . . . . . . . . . . . تلقاه لحظة لقاها

لو جيت زعلان ف مرة . . . . . . . . . . . . إرمي همومك وراها

ومهما شوفت بره . . . . . . . . . . . . مش هتشوف مستواها

واطمن يابني خالص . . . . . . . . . . . . عقلها مافيهوش تفاهة

وزي ما هي بنتي . . .. . . . . . . . . . بنت حماتها وحماها

* * *
وسألته عن ولادي . . . . . . . . . . . . منك هيكونوا إيه؟

قاللي هيكونوا عادي . . . . . . . . . . . . فسألته يعني إيه؟!

قاللي العادي إللي كان . . . . . . . . . . . . عند الناس من زمان

العادي بتاع سراقة . . . . . . . . . . . . وحذيفة بن اليمان

العادي بتاع أسامة . . . . . . . . . . . . وابن الحكيم لقمان

ده العادي بتاعنا إحنا . . . . . . . . . . . . بنربي عليه عشان

لو جينا ولا رحنا . . . . . . . . . . . . هنقابل الرحمن

عمرك ما تخاف عليهم . . . . . . . . . . . . ولادك في الأمان

أنا بنتي هتربيهم . . . . . . . . . . . . ع السنة والقرآن

هتشوف ابنك بيصحى . . . . . . . . . . . . مادام سمع الأذان

ينزل في الفجر يقرا . . . . . . . . . . . . بالسجدة والانسان

هتشوف في حجاب بناتك . . . . . . . . . . . . العفة والإحسان

هتشوف إزاي مراتك . . . . . . . . . . . . هتعينك إنت كمان
* * *

وسألته عن حياتك . . . . . . . . . . . . من قبل الالتزام

قال أتذكر في ليلة . . . . . . . . . . . . مش فاكر أنهي عام

أذان الفجر أذن . . . . . . . . . . . . وقالتلي سيبني أنام

فدخلت الأوضه جوه . . . . . . . . . . . . أجيب منها الحزام

وعقبال ما رجعت تاني . . . . . . . . . . . . كات رجعت ف الكلام

الله يجازي الشيطان . . . . . . . . . . . . خلاها تقول أنام

بس اطمن خلاص . . . . . . . . . . . . دلوقتي بقت تمام.

* * *

قلتله طيب ياعمي . . . . . . . . . . . . يسعدني أقولك إني

بطلب بنتك ونفسي . . . . . . . . . . . . تناسبني وترضى عني

راح شادد فجأه لبسي . . . . . . . . . . . . وقلب وشه وسألني

* * *

حافظ كم جزء يابني . . . . . . . . . . . . وقاري كم كتاب

احكيلي كده عن مؤتة . . . . . . . . . . . . أوغزوة الأحزاب

وسمع كم حديث . . . . . . . . . . . . في الأخذ بالأسباب

وكمان سمعلي آيه . . . . . . . . . . . . ذكرت فيها الدواب

ولو شايفها صعبة . . . . . . . . . . . . قللي بتاعة الذباب

واحكيلي حلم يوسف . . . . . . . . . . . . وبراءة الذئاب

واخواته لما جولوه . . . . . . . . . . . . دخلوا من أنهي باب

واديني فكرة برضه . . . . . . . . . . . . بتقبض كم ثواب

وناوي ازاي تحسن أنا شايفك لسه شاب
* * *

وسأل نفسه وسألني . . . . . . . . . . . . هيعوز إيه يعني مني؟

لو عندي كل حاجه . . . . . . . . . . . . وديني مش شاغلني

أحسن لك تنسى بنتي . . . . . . . . . . . . ومهرك مش لازمني

قلتله صبرك ياعمي . . . . . . . . . . . . وبراحتك امتحني

يبقى اما أسأل تجاوب . . . . . . . . . . . . خليك دايماً فاهمني

سألتك وانت ساكت . . . . . . . . . . . . خليتني أظن ظني

وفضل يسأل واجاوب . . . . . . . . . . . . وعشان خاطرك عصرني

وظهرت النتيجة .. . . . . . . . . . . . وبفضل الله قبلني

* * *

قاللي مقبول في نظري . . . . . . . . . . . . مبروك عليك ياسيدي

لكن في نظرها هي . . . . . . . . . . . . نجاحك مش بإيدي

وهي زمانها راجعة . . . . . . . . . . . . من تمرين السويدي

خليك قاعد شوية . . . . . . . . . . . . استنا لما تيجي

هعملك من إيديا . . . . . . . . . . . . كباية شاي صعيدي

* * *

سابني وقعدت أفكر . . . . . . . . . . . . هل ممكن ترفضيني

طاب قولي حتى أفكر . . . . . . . . . . . . مش يمكن تفهميني

وفضل مخي يلاعبني . . . . . . . . . . . . يجيبني ويوديني

وخايف م المقابلة . . . . . . . . . . . . مرعوب بينك وبيني

ودق الباب في ثانية . . . . . . . . . . . . وشوفتك مرة تانية

مش قادر أنسى يومها . . . . . . . . . . . . وفاكر كل ثانية
* * *

ونده والدك عليكي . . . . . . . . . . . . عشان أول لقاء

دخلتي وشوفت وشك . . . . . . . . . . . . عليه نور الحياء

نور والله فعلاً . . . . . . . . . . . . مش نور بودرة وزواء

كان أول مرة أخاف . . . . . . . . . . . . من فتنة النساء

أخلاقك مش عادية . . . . . . . . . . . . وجمالك كان شفاء
* * *

قعدتي جنب والدك . . . . . . . . . . . . وسألتيني وجاوبتك

وفكل مرة أجاوب . . . . . . . . . . . . كنت باشوف ابتسامتك

ف أقول من جوه نفسي . . . . . . . . . . . . يارب أكون عجبتك

وبعد شوية قمتي . . . . . . . . . . . . ندهت عليكي مامتك

ورحتي دخلتي جوه . . . . . . . . . . . . وراح وراكي والدك

وانا قلت مش مروح . . . . . . . . . . . . غير لما أكون خطبتك

* * *

وابوكي جاني تاني . . . . . . . . . . . . وقرب من وداني

لابس كرفته سوده . . . . . . . . . . . . وبدله لون فراني

المنظر يعني كله . . . . . . . . . . . . ميدلش ع التهاني

قلتله مالك ياعمي . . . . . . . . . . . . من فضلك قول عشاني

عرقي غرقلي كمي . . . . . . . . . . . . سايبني ليه أعاني

قاللي مستني إيه . . . . . . . . . . . . فين إيدك إديهاني

البنت مش موافقة . . . . . . . . . . . . تتجوز حد تاني
* * *

كان أول مرة أعرف . . . . . . . . . . . . إزاي الناس بتفرح

سعادتي كات غريبة . . . . . . . . . . . . مش ممكن هقدر أشرح

من كتر حبي ليكي . . . . . . . . . . . . نويت أضحي وادبح

رحت اشتريت خروف . . . . . . . . . . . . وكان خروف بينطح

ده أخيراً هبقى جوزك . . . . . . . . . . . . وشجرة صبري تطرح
* * *

خطوبتنا كات بسيطة . . . . . . . . . . . . مكانش فيها زيطة

وفرحنا كان في جامع . . . . . . . . . . . . يعني مش خلطبيطة

ومامتك جت في يومها . . . . . . . . . . . . ورقعت كام سويطة

هاتولي بنتي منه . . . . . . . . . . . . دي مش فاهمة العبيطة

إنه هيخطفها مني . . . . . . . . . . . . وهتوحشني الغتيتة
* * *

صعبت عليا مامتك . . . . . . . . . . . . الموقف كان شديد

لكن فعلاً خطفتك . . . . . . . . . . . . ورحنا مكان بعيد

فاكرة ولا انتي ناسية . . . . . . . . . . . . أكيد فاكرة أكيد

من يوم ما بقيتي زوجتي . . . . . . . . . . وانا متهني وسعيد

معايا ف كل يوم . . .. . . . . . . . . . ويوم لؤاكي عيد

عمرك ما دقتي نوم . . . . . . . . . . . . وانا تعبان أو مريض

فلوسي كات بتكتر . . . . . . . . . . . . والخير عندك يزيد

وعامله ليه دفتر . . . . . . . . . . . . ومرتبه المواعيد

وبفضل الله قدرتي . . . . . . . . . . . . وجبتيلي الوليد

وبعديها بشوية .. . . . . . . . . . . . جبتيلنا عليه يزيد

وبعديه جت سمية . . . . . . . . . . . . وآخرهم كان حميد

بدعيلك كل يوم . . . . . . . . . . . . وأفضل أعيد وازيد

ربيتي عيالي دول . . . . . . . . . . . . ع القرآن المجيد

طول عمرك وانتي صافية . . . . . . . . . . . . قلبك لون الجليد

أخلاقهم مش عادية . . . . . . . . . . . . طلعنلك مش بعيد

وليد دلوقتي ضابط . . . . . . . . . . . . ومعاه رتبة عقيد

ودعوة قلبي صابت . . . . . . . . . . . . ويزيد أهو مات شهيد

وبنتك صيدلية . . . .. . . . . . . . . وحميد أصبح معيد

الله برحم أبوكي . . . . . . . . . . . . راجل من نوع فريد

كل اللي قاله فيكي . . . . . . . . . . . . أنا عشته بالتحديد
* * *

عشت معاكي ف حكاية . . . . . . . . . . . . أحلى وأجمل رواية

حكايتي كات معاك . . . . . . . . . . . . وحكايتك كات معايا

اديتك كل عمري . . . . . . . . . . . . وهمك كان رضايا

وعمرك خدته منك . . . . . . . . . . . . وقربك كان دوايا

وخلاص العمر راح . . . . . . . . . . . . راحت أيام صبايا

ومسافر رحله صعبة . . . . . . . . . . . . وزادي مش كفايه

مش عاوز أشوف دموعك . . . . . . . . . . بالذات ف يوم عزايا

أنا عارف إنتي عارفة . . . . . . . . . . . . إن الموت مش نهاية

دي لسة الرحلة طالعة . . . . . . . . . . . . والموت خط البداية

إدعيلي يمكن أوصل . . . . . . . . . . . . وأشوف هناك حمايا

أنا عارف إنه فيها . . . . . . . . . . . . محجوزله هناك سرير

وسلامي في النهاية . . . . . . . . . . . . أنا خلصت الحكاية

لو يوم فكرتي فيا . . . . . . . . . . . . إقري شعري وغنايا

وأمانه ف كل مرة . . . . . . . . . . . . تدعي لي بالهداية

عسى ربي بدعائك . . . . . . . . . . . . يغفر ليا الخطايا

_________________
.
أبو فارس

اللهم اغفر لنا ذنوبنا وكفر عنا سيئاتنا
----------------------------------
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.mrhazemawad.ucoz.com
admin
1000
1000
avatar

عدد الرسائل : 1148
العمر : 50
العمل/الترفيه : استشارى النساء والتوليد
نقاط : 1672
تقييم العضو : 131
تاريخ التسجيل : 03/01/2009

مُساهمةموضوع: رد: تعالوا شوفوا الشاب ده اختار اللي هتكمل معاه الطريق ازاي   الأحد أكتوبر 16, 2011 2:29 am

هههههههههه
انت لسه فى اول المشوار يا مستر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://1973.ahlamontada.com
Hazem Awad El sayed
300
300
avatar

عدد الرسائل : 310
العمر : 28
العمل/الترفيه : مدرس لغة إنجليزية
نقاط : 513
تقييم العضو : 0
تاريخ التسجيل : 09/12/2010

مُساهمةموضوع: رد: تعالوا شوفوا الشاب ده اختار اللي هتكمل معاه الطريق ازاي   الأحد أكتوبر 16, 2011 12:28 pm

أنا الحمد لله يا دكتور

عديت مرحلة الإختيار دي من زمان

_________________
.
أبو فارس

اللهم اغفر لنا ذنوبنا وكفر عنا سيئاتنا
----------------------------------
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.mrhazemawad.ucoz.com
huda
300
300
avatar

عدد الرسائل : 320
العمر : 39
العمل/الترفيه : بالخارج
نقاط : 423
تقييم العضو : 4
تاريخ التسجيل : 01/02/2010

مُساهمةموضوع: رد: تعالوا شوفوا الشاب ده اختار اللي هتكمل معاه الطريق ازاي   الخميس أكتوبر 20, 2011 5:45 pm

فين كان الاختبار دا من زمان

ياريت كان على أيامنا!!!!

على العموم ملحوقه بسويه لاولادى بس أكيد هيكون عن طريق النت.

تحياتى أبو فارس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Hazem Awad El sayed
300
300
avatar

عدد الرسائل : 310
العمر : 28
العمل/الترفيه : مدرس لغة إنجليزية
نقاط : 513
تقييم العضو : 0
تاريخ التسجيل : 09/12/2010

مُساهمةموضوع: رد: تعالوا شوفوا الشاب ده اختار اللي هتكمل معاه الطريق ازاي   الجمعة أكتوبر 21, 2011 12:10 am

خدي بالك من كلامك يا هدى

وفكري فيه كويس

تقصدي إيه يعني .... إنك أخطأتي الإختيار

أصل أنا ممكن أفتن عليكي وأقول لأبو العيال

ويبقى تسيبي السعودية وتيجي عندنا في كفر الشيخ

_________________
.
أبو فارس

اللهم اغفر لنا ذنوبنا وكفر عنا سيئاتنا
----------------------------------
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.mrhazemawad.ucoz.com
huda
300
300
avatar

عدد الرسائل : 320
العمر : 39
العمل/الترفيه : بالخارج
نقاط : 423
تقييم العضو : 4
تاريخ التسجيل : 01/02/2010

مُساهمةموضوع: رد: تعالوا شوفوا الشاب ده اختار اللي هتكمل معاه الطريق ازاي   الجمعة أكتوبر 21, 2011 10:04 pm

الله الله ادابقى دا بقى دا بقى دا

شكلك وقعتنى فى الغلط لا صدقنى ما بقصد

أصل أروح فى خبر كان والعمر مش رخيص
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Hazem Awad El sayed
300
300
avatar

عدد الرسائل : 310
العمر : 28
العمل/الترفيه : مدرس لغة إنجليزية
نقاط : 513
تقييم العضو : 0
تاريخ التسجيل : 09/12/2010

مُساهمةموضوع: رد: تعالوا شوفوا الشاب ده اختار اللي هتكمل معاه الطريق ازاي   السبت أكتوبر 22, 2011 2:30 am

ههههههههههههههههههههههههههه

ربنا يوفقك يا هدى في حياتك

ويخليلك أولادك وأبوهم

وما تخافيش كده مش هأقوله دلوقتي

يمكن بعدين ............

_________________
.
أبو فارس

اللهم اغفر لنا ذنوبنا وكفر عنا سيئاتنا
----------------------------------
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.mrhazemawad.ucoz.com
zeen_eleslam
1
1


عدد الرسائل : 3
العمر : 51
العمل/الترفيه : مدير شركة
نقاط : 3
تقييم العضو : 0
تاريخ التسجيل : 16/11/2011

مُساهمةموضوع: رد: تعالوا شوفوا الشاب ده اختار اللي هتكمل معاه الطريق ازاي   الأربعاء نوفمبر 16, 2011 2:29 am

السلام عليكم ورحمة الله وبركاته
اسمحلي يامستر حازم مش واجب برضه تعرف اسرة الموقع من اين لك هذه الابيات الرائعه
وعموما ياليت كل البشر يختارون كما اختار هذا الشاب واخيرا تمنياتي لكم بوقت ممتع اللهم احسن خواتم اعمالنا وشكرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Hazem Awad El sayed
300
300
avatar

عدد الرسائل : 310
العمر : 28
العمل/الترفيه : مدرس لغة إنجليزية
نقاط : 513
تقييم العضو : 0
تاريخ التسجيل : 09/12/2010

مُساهمةموضوع: رد: تعالوا شوفوا الشاب ده اختار اللي هتكمل معاه الطريق ازاي   الأربعاء نوفمبر 16, 2011 10:16 pm

أبيات الشعر دي يا عم زين

من على النت من إحدى المنتديات

ولم أقل إنها من بنات أفكاري

لأني ( زي الدكتور وهدى ما هم عارفين ) ماليش في كتابة الشعر

ولكني متذوق جيد له

وعموما مرحبا بك في المنتدى

وتحت أمرك في أي شيء أو مشكلة تواجهك بالمنتدى

وذلك وفقا لعملي مشرفا بالمنتدى

_________________
.
أبو فارس

اللهم اغفر لنا ذنوبنا وكفر عنا سيئاتنا
----------------------------------
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.mrhazemawad.ucoz.com
 
تعالوا شوفوا الشاب ده اختار اللي هتكمل معاه الطريق ازاي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أبناء كفرالشيخ :: المنتدى العام-
انتقل الى:  
facebook