قفشات العالمى محمود بكر

لامؤاخذه يا جماعه دخلنا متأخرين عشان الاعلانات اللي بتجيبلنا فلوس
*****************************
بيقول فى متش الاهلى والمقاولون النهارده تيجى الناس تقولى هى صورة دريم وحشه كده ليه اقولهم ادى الله وادى حكمته
******************************
كارثه الكوراث فى ماتش الاهلى النهارده فى اول الماتش البوب بكر بيقول اسم الحكم احمد حشيش الحكم اسمه كده احنا عارفين كلنا انى الحشيش غالى اليومين دول

******************************

فى ماتش الزمالك بيقول فى اخر المباره انا ماليش دعوه انا بعلق بس

******************************

في ماتش الأهلي و المقاولين لما جت سيرة الكاكولا قالك علي تيجاني لاعب المقاولين الي جاب جون في نفسه قال ده مش هيفرح ده هيقف دقيقة حداد

*******************************

والى كان مضايق وقاعد فى البلكونة بيشربة سجارة ولا حاجة اقولة تعالى دى الاهلى جاب جونين بيشتغلهم

*******************************

في نص ماتش الزمالك والشرطة ...بيقول امبارح كان مليون واحد في اسكندرية كل سنة وانتو طيبين ...الله يكون في عونهم ويكون في عون البحر كمان .............

كانوا في اسكندرية عشان شم النسيم

*******************************
في ماتش الاهلي والمقاولون
بيقول انبي متقدم على شقيقه الاصغر بترول اسيوط
محدش يقول مادة تمنتاشر ومش مادة تمنتاشر
ادي واحدة فطسانة بيفطسوها اكتر

*******************************

حسام غالى بيفكرنى بباكين باور........داوقتى سيد معوض بقا مش الرجل الذى فقد ظله بقا الرجل الذى فقد بركات.........التغير التانى بنزول- عفريتو- مكان طلعت

*******************************

اللى كان بره و جيه يقولى توقعه لماتش بكرة ايه ؟ وكل واحد يقول مين اللاعيبة اللى نفسه يشوفهم فى الملعب بكرة من الاهلى او الزمالك ؟؟؟

*******************************

واللى كان بره و جيه نقوله الانتخابات اتزورت.....و اللى اتعمله كباية شاى بقا نقوله واضح انه كان شاى بالياسمين

*******************************

واحد يقولى العيد بكرة...........اقوله اه عشان كده اللى كان بيعمل كوباية شاى ولا كان بيشرب سجارة فى البلكونة بقا اقوله كل سنة و انت طيب

*******************************

هاهاهاهاها واحد يقولى انت بتضحك على ايه اقوله معرفشى..........داخلين على الدقيقة تمانين عارفين يعنى ايه الدقيقة تمانين يعنى الدقيقة 35 من الشوط التانى

*******************************

الاسكندرية عاصمة بلا دخان يعنى اللى معاه شيشة يخاف عليها بقا.........وادى الانتاج على يمينك و فضل على شمالك فضل ايه الاهلى على شمالك.............وحد مشغل ام كلثوم فى ودنى باين.........شبانة كان فى التلاجة


*******************************

كل ما افتح برنامج على مودرن الاقى ومعانا مداخلة من الدكتور وليد دعبس مع احترامى الكامل ليه مش معنى انك صاحب القناة تتكلم كل يوم فى البرامج كلها


*******************************

تخيلوا معايا: واللى كان من مشجعى مانشستر يونايتد بيعمل كوباية شاى ولا بيشرب سجارة فى البلكونة اقولهم رونى جاب جون....وادى الكابتن فيرجسون جايب طقم فانلات اخر شياكة الصراحة .....و الريان جيجز و هدف واحد يقولى ده بيلعب و هو عنده 37 سنة اقوله اه الدهن فى العتائى....الحقيقة فريق توتن هانم بيطبق مصيدة التسلل صح

*******************************

ومشجعين سموحة اللى كان منهم فى المسرح ولا السينما بقا ولا كان فى مجطة الرمل احب اقوله بلال جاب جون............واللى كان من مشجعى الابيض بينفخ فى البلكونات اقوله هانى سعيد اتعادل...............المستشار مرتضى منصور كسب 25 قضية يعنى بقا ايه بطل العالم فى كسب القواضى.............وادى حسن جعفر نازل اهو

*******************************

واحد يقولى العيد بكرة ,اقوله اه عشان كده اللى كان بيعمل كوباية شاى ولا كان بيشرب سجارة فى البلكونة بئا اقوله كل سنة و انت طيب

*******************************

الاهلى و المصرى :جدو ابو جزمة صفرا معلمك انا بالجزمة..................والكابتن كامل ابو على ملبسهم فانلات مشخلعة ورد و حاجات كده يعنى..............عبد الحكيم بيرزع و يرزع دى مش معناها شوطة دى معناها مرزبة

*******************************

و اللى لسه جاى من التراويح تراويح ايه دى خولصت من زمان لأ فى ناس بتطول و ليهم الثواب نقوله ان المصرى اتقدم بهدف................وادى طارق الصاوى و علاء ميهوب الاتنين لابسين لبنى و الحياه بمبى بالنسبلهم..........فرصتك بئا يا عم اسامة بعد ما اخد طوبة فى الجزاير الشقيق تكون الامور شخللت معاه و لا حاجة

*******************************

محمود عبد الحكيم ده لاعيب خماسى كبير بس حالق حلاقة غريبة معرفش حالقها فين وحشة اوى الصراحة........الحمد الله ان الاستاد منور النهاردة بس تلاقى مدينة نصر بئا نصها مضلم و يقولك تخفيف احمال...........و الكورة تقع بئا لجدو المحظوظ عامل زى الضظوى زمان بيستنى السقطة و اللقطة

*******************************

محمود بكر :خط وسط المانيا فى لاعيب كويس اوى اسبه باستيان بيعتمدوا عليه
كريم شحاتة : قصدك سباستين شفانشتيجر
محمود بكر : الكلمة التانية دى بئا يقولها الشباب اللى زيك كدة انا كويس اوى عليا اقول باستيان

*******************************

والمخرج الظريف بتاعنا بئا محمد عفيفى الى كان هيدينى السى دى ومجبهاشى واحد يقولى سي دى ايه اقوله انا كنت قاعد اتفرج على دريم و لقيتنى و اقف متصور جنب سيادة الريس ايام ما كنت فى اتحاد الكرة قبل ما يسقطونى كنا عاملين احتفال بطولة افريقيا قولتلو يحوطهالى على سي دى عشان ابقى اوريها لاحفادى بس هو طنشنى ولا حطهاشى

*******************************

بس قبل ما اقول اى حاجة الصراحة لما دخلت الاستوديو عندنا هنا لقيت يعنى شاشة مش هى روحت طالع تانى لقيتهم بينادولى تعالى ده الاستوديو بتاعكم اتارى غيروا شاشة جميلة جولدى ايل سى دى ستة و عشرين بوصة مبئاش ليا حجة خالص

*******************************

كتير كلام مضحك تسلم مستر حازم ولكنى لا أفقه عن الكره شىء

ولا حتى أعرف أسماء الاعبين ...هذا صحيح لا أهتم بكره القدم الا

عندما يلعب منتخبنا أمام أى دوله أخرى ..طبعا اتحاز لبلدى

وأطبق المثل الشهير أنا وأخويا على ابن عمى وهكذا

طبعا بكون من المشجعين أسأل ابنى الصغير لون الفنله ايه ؟؟

وطبعا يضحك عليه بس بشجع كتييير ...

بس بجد ضحكت لما قرات موضوعك مستر حازم .يعطيك العافيه وعام سعيد عليك

سواء أكان لكي في كرة القدم أم لا

لكن عند سماعك لتعليق الكابتن محمود بكر , لا تستطيعين أن تتمالكي نفسك من الضحك
لأنه يضحك أثناء المباراة كثيرا , وكثيرا يخرج عن المباراة , ويتكلم في أي حاجة تانية سواء في السياسة أو في الفن أو في أي شىء آخر , وأحيانا يصف الطريق من بيته إلى الإستاد , ويعلق تعليقات ساخرة ومضحكة عن أي شىء غير المباراة

رومانيا وانجلترا بطولة اوربا

الواد بتاع رومانيا وقع فى منطقة الجزاء واتحسبله ضربة جزاء ومحمود بكر مصمم ان هى كورن

والواد داخل يشوط الكوره وهو عمال يقول هييشوط الكورنر هيشوط الكورنر لحد مدخلت جون قالك والحكم حسب ضربة جزاء

2.محمود بكر كان بيعلق على مبارة فى كأس العالم وكان التشيك بتلعب قعد ربع ساعة كل ما يقول جمهور التشيك يقول جمهورية شبين فضحنا

3.ومحمود بكر كان بيعلق على ماتش وقال...الفريق مكسكس لورا وبيعانى من هيجان هجومى شديد


4.وطبعا محدش ينسي لما الاسطورة شكر شبكة اوربت وهو بيعلق ع كاس العالم للاندية اللي كان بيذيع قناة الاي ار تي ههه


5.ف ماتش الاهلي والاتحاد اللي كان ف اسكندرية
قالك ان الاهلي كسب عشان هو النادي الوحيد ف مصر اللي بيعيش عرص الاحتراف

6.فى ماتش للزمالك كان فى لعيب رافع ايده عشان حد يباصيله كورة ومحمود بكر قال الحقو ده فى واحد بيغرق هناك

7.بيقولك الاهلى ضاغط ومضيع يجي 5 6 7 8 9 فرص
قبل كدا محمود بكر كان بيكلم عن لعيب قصير فى حرس الحدود..اعتقد مكى.. يقولك دا لعيب بليه!..وطبعا الى فاهمين كوره هيفهموا قصدى..او نقدر نقول عليه لعيب..زقرط

8. ف ماتش الزمالك وبتروجيت بيقولك احمد شعبان شمط واحدة السنة اللي فاتت

9.لما سيد المندوه جاب هدف بني عبيد
بكر قال: "طبعا السيد المندوه هيقعد بالليل على القهوة ويقول أنا اللي جبت الجون في عبد الواحد"

10.ولما الزمالك ضغط عشان يتعادل
بكر قال: "طب كان فين الكلام ده من الأول .. يعني لازم أتلب جون عشان ألعب عدل"


11.من كام سنة كدا الاهلي كان بيلاعب الترسانة ف كان الترسانة متقدم
ف محمود بكر قال ايه
المقدمة زرقاء والمؤخرة حمراء



13. بدايه مباراة الأهلى والإتحاد هذا الموسم (2008\2009) على قناه دريم ذكر محمود بكر ان الصوره سيئه كما ترده من المصدر ولكن المفاجاءه انه ذكر ان البعض يتحدث معه عن صوره افضل فى قناه موردن وان الصوره فى مودرن افضل بكتير يعنى محمود بكر بيقول للناس الى بتتفرج على دريم روحوا اتفرجوا على قناه مودرن احسن ليكم بجد معلق مصيبه ودى سقطه كبيره مينفعش اعلق لقناه واقول التانيه الصوره فيها احسن .