معاصي وذنوب

معاصى : ايه الحكايه يا ابليس ؟ احنا مش لاقين حد نوزه

ذنوب : نعمل ايه يا كبير ؟ نجيبب منين ناس تتوز كلهم بيغلطوا توماتيكى دلوقتى

سيئات : الله يخربيت الكمبيوتر والدش السيئات بقيت بالرموت دلوقتى يا كبير

معاصى : ايه الحل احنا حنعقد نقشر بطاطس يعنى احنا شياطين على المعاش ولا ايه

ابليس : انا منكرش ان الزمن ده صعب نلاقى واحد نوزه دا انا نفسى مكنتش اتخيل اللى بيحصل ده

سيئات : دلوقتى شياطين الانس بقوا فوق واحنا لاحول لنا ولا قوه

ذنوب : العيل يضحك على البت وبعدين يرميها ويدور على غيرها

سيئات : ما البنت اللى تستهال ده حتى مستنتش لما نوزها

ذنوب : صحيح حنلاقيه منين ولا منين

معاصى : طب انت ممكن تتخيل ان ماتش كوره قلب كيان الناس والذنوب بقيت للركب

سيئات : رغم ان الفريقين اخوات تصدق بقى

ابليس : ماتش كوره ؟ لدرجادى ايه اللحصل للناس

معاصى : انا كنت فى الماتش عشان اقول لحد اى كلمه اتلاقتهم جاهزين توماتيكى

سيئات : وانا لما خلصت فرجه وانا مروح اتلاقيت الطحن شغال برده توماتيكى اداريت لتعور ولا حاجه

ابليس : وبعدين ؟

معاصى : يا كبير الماتش ده عمل اللى احنا معملنهوش

ابليس : ايه اللى بيحصل خلاص مفيش حد عاقل

سيئات : ياكبير الحق

ابليس : ايه

سيئات : واحد قايم ادان الفجر شكله حيصلى الفجر

ابليس : طب يله بسرعه

ذنوب : اخير حنوز يا كبير

ابليس : انت يامعاصى خليك جنبى على ودانه وانت يا ذنوب خليك هناك جنب مناخيره

ابليس: يقول لشاب يفتح عينه فى تثاقل على ادان الفجر

الدنيا سقعه نام لما تقوم صلى هى الدنيا حطير

ذنوب : نام نام نام

سيئات : ايه ده دا شال الغطى من عليه وقام

ابليس للشاب : يابنى الميه ساقعه حتاخد برد انا خايف عليك

ذنوب : برده مش رادى يسمع الكلام نعمل ايه

سيئات : ده بيلبس الشبشب ياكبير

ابليس : يابنى الناس اسمع الكلام الوقت متاخر والدنيا برد

سيئات : مفيش فايده اه نزل

ابليس : شكله ابن حلال

ذنوب : طب كويس ان لسه فيه حد

سيئات : طب يله نروح

وبعدين الشياطين اخدوا بعضهم وهما ماشين اتلاقوا صحبنا اللى كان نايم واقف عند البقال

ذنوب : مش هو ده ابن الحلال يا كبير

معاصى : اه صحيح

ابليس : هو ايه اللى وداه عند البقال ؟ جرى يا معاصى شوف الحكايه ايه

وذهب معاصى ثم رجع مكشر وزعلان

ابليس : مالك زعلان ليه

معاصى : تعرف يا كبير صاحبنا كان قايم من النوم ليه

ابليس : اكيبد عشان يصلى

معاصى : لا عشان يشترى سجاي

معاصى : شفت اللى حصل لزين العابدين
سيئات : شعب ارادته جت جامدة
الشيطان : يخرب بيوتكم امن الدولة حيسمعنا

صحيح مستر حازم فللأسف أصبحت الذنوب فى زياده

وكادت الحسنات أن تختفى وكأننا نجهل حقيقه محتمه وهى الموت ...

الحقيقه الوحيده فى حياتنا ومع ذلك ننسى أننا للابد يوما ونلاقى وجه رب كريم ..وكاننا مخلدين عليه

نرتكب المعاصى دون خجل ..أه يا أبن ادم ماذا نفعل بأنفسنا

اثر الالم في سكره المـــوت قاسي *** ماهالني مثله وانا انسان حـــساس

جابوا كفن ابيض مقاسه مقاســــي*** ولفوا به الجسم المحنط مع الـراس

وشالوني اربع بالنعش ومتواســي *** عليه ومغطى على جسمي البـــاس

وصلوا علي وكلــــــهم في مــآسي *** ربعي ومعهم ناس من كل الاجناس

ياكيف سوا عقبنا تاج راســــــــي *** وامي الحبيبه وش سوى بها الياس

المشكلة يا هدى إني أنا نصحت الدكتور كام مرة بلاش يتكلم في السياسة
لكن الظاهر إنه مش خايف على مستقبله السياسي

اللهم بلغت اللهم فأشهد

ده حوار واضح وصريح بين الذنوب والسيئات والشيطان
انا مالى ماليش فى الموضوع

معاصى :مش قلت اصبروا وأكيد هنلاقى حد

الشيطان : صحيح لكل مجتهد نصيب صبرنا ونلنا

ذنوب :قصدكم ايه الدكتور مفيد ؟

أمن الدوله : تحيه شكر وتقدير لكل من المعاصى والذنوب والشيطان

الشيطان :العفو يافندم دا واجبنا ..والمهم تعملو انتو كمان الواجب

أي خدمة يا دكتور

وشكرا لكي يا هدى أنك قربتي وجهه النظر بين المعاصي والشيطان وأمن الدولة
وجعلتيهم يجمعون ويتفقون على الدكتور
ههههههههههههههههههههههههههههه

أصلا يا مستر حازم

الذنوب والمعاصى والشيطان بيشتغلو عند أمن الدوله

يعنى مش محتاجين تقريب لوجهات النظر

على العموم دى أخرت ال ميمشيش جنب الحيط

على فكرة يا هدى
إنتي شكلك كده بتخبطي في أمن الدولة
شكلكم كده مش ناويين تجيبوها البر وتمشوا جنب الحيط

أنا عن نفسي آخر مرة أعلق على هذا الموضوع " اللي هيودينا في داهية "
مع السلامة

ههههههههههههههههههههههههههههههههه