منتدى أبناء كفرالشيخ
مرحب بك اخى الزائر

منتدى أبناء كفرالشيخ


 
الرئيسية  مكتبة الصور  الأعضاء  التسجيل  دخول  المنتدى العام                          

شاطر | 
 

 الدكتور نسى الفوطة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Hazem Awad El sayed
300
300
avatar

عدد الرسائل : 310
العمر : 28
العمل/الترفيه : مدرس لغة إنجليزية
نقاط : 513
تقييم العضو : 0
تاريخ التسجيل : 09/12/2010

مُساهمةموضوع: الدكتور نسى الفوطة   الأحد ديسمبر 12, 2010 10:05 pm

نسي الفوطه


نسي الفــــــــــوطــــــــــه....وناس واقفه بتتريأ ومبسوطه




وناس تانيه بتستغرب ومنقوطه....ليه الدكتور نسي الفوطه


و هو يا عيني كان واقف ....... ووشه أحمر ولا القوطه


و قال ياجــــــــماعه سامحوني ....وقبل ما تيـــــــجوا تلوموني


تعالــــــوا أحكيلكوا أنا حكايتي..... وبعديها إبقوا حـــــــاكموني




سنــــين ضاعت في ثانــــــويه..... كفاح دامي وعــرق ودموع


وبعد المعركـــــــــه الحــــاميه..... قدرت أنجح وأجيب مجموع


أخيراً حلمنـــــــــــــــــا إتحقق .....هخش الطــــــــب وأدّكــــتر


رســـــــــــاله جميله ومعـــاها...... مقام عالي وفلوس أكـــــــتر


و جاتلي بطاقة الترشيـــــــــح...... فيها الطب اللي بحــــــلم بيه


بتاع البوسته جابهــــــــــــالي ......وخدله حلاوه عشــــرة جنيه


في أول يوم لـــــــــبست جديد ......وشلت البالطو رحـت لاقيت


زمايلي إتحــشروا في مــدرج...... عامل ولا عــــــلبة الكبريت


ولكــن برضه مايئستش


دخل دكتور قعد يشــــــــــرح .......كلام كــــان صعب ولاتيني


و أنا متنـــح ومـــش فــــــاهم ......لاقيت النــــــــوم غلب عيني


و لسّه أنا برضه مايئستش


و قلت مادام ضــــاع النظري...... هظبّــــــــط نفسي في العملي


جريت عـ المشـــرحه بسرعه...... لكن كالـــــــــعاده خاب أملي


دخلـــــت لاقـــيت 200واحد....... بيتخــــــــانقم على الجــــــثه


وناس واقـــــــــفه من الزحمه ......على كتافـي ومـــــــش حاسه


و لسّه أنا برضه مايئستش


و طبــــــعاً حسّوا بظــــروفنا .......وحطّولنا إمتـــــحان فوازيـز


وكل أمّا آجي أحــل ســـــؤال....... أقف أدّامــــــه زي الــــــزير


و لسّه أنا برضه مايئستش


وجينا في لجنة الشـــــــــفوي....... وكان أدّامي واد كــــــــــوسه


خد الـدرجـــــــات مـن الدكتور..... وخد فوقهـــــــم كــمان بوسه


دخلت انا قام مكـــــــــشرلي ....... ومن أولــــــــها عقــــــــدني


سألني سؤال... ماردّيتشي........... خبطني الزيرو وطــــــردني


و لسّه أنا برضه مايئستش


سنه بتمشــي وســــنه بتيجي ........مقـــالـــب بعـــدها مقــــــالب


زمايلي إتعينوا و قبـــــــضوا .......و أنا شايـــــل لـــــــقب طالب


و لسّه أنا برضه مايئستش


كبـــــــرنا شـــويه وقــــالولنا....... خلاص دلوقتي شوفوا حالات


و رحنـــــــا نشوف وكالعاده........ دا كله بيطلع إشتــــــــــغالات


و لسّه أنا برضه مايئستش


بشوف الشاب من ســــــــني........ واقـــــــــف ويّا البنات مرتاح


و لــــو عديـــــت أنا يقولــوا........ راح الدحّـــاح .....جه الدحّاح


و لسّه أنا برضه مايئستش


لحد ماخلصم السبــــــــــــعه ........وقلت خلاص هروق وهعيش


و قبل ما أفوق من الصــدمه........ خدوني عشان أخـــش الجيش


و لسّه أنا برضه مايئستش


وقعت هناك في إيــــد ظابط ........ظغرلي وقال يا بســـــــــكوته


أحب أبـــــــــــشرك إنــــــك ........معـــــــايا هتطـــــــفح الكوته


و لسّه أنا برضه مايئستش


خلااااص السبعه بقوا عشرة........ ولسه أنا ماشي جنــب الحيط


و بان السن علــــــــى وشي ........و شعري إبيـــّض و إصلعيت


و لسّه أنا برضه مايئستش


وبعد ما قـــــلت كــــــــفاره ........خلاص هرتاحلى بقى كام يوم


لاقيتهم تـــــــــانــي واخدنّي .......عشان تكليـــــــــفي في السلوم


و لسّه أنا برضه مايئستش


و قلت هنـــاك هآخد قرشين........ آكل منهم و أجيـــــــــب لبسي


فوجئـــــــت يا عيني بمرتب .......يادوب مايقضــــــنيش شيبسي


و لسّه أنا برضه مايئستش


و بعد الـــعمر دا كـــــــــــله .......رمــــــوني في وحـــده صحية


نسيت الطب أنا فيـــــــــــها ........وبقــــــــيت زي الترمــــــجيه


و لسّه أنا برضه مايئستش


و آديني بعيش وهعمل أيـه؟؟........ ماليــــــــش ولا قوه ولا حولا


وحيد غلبان وحتى مافـــيش ........جـــــواز علـــى نفــــقة الدوله


و لسّه أنا برضه مايئستش


قام الدكتور صعب عـ الناس....... و فــــــضلم يـــبكوا على حاله


و حتى الفوطة نســــــــيوها........ ولمّوا فلــــــــــوس وسابوهاله


و قال دكتورنا عـ الفوطــــه........ تعــــــالوا هشـــــيلها أنا بكرة


لكن أهل المريض قالــــــوا........ خلاص........ سيبهالنا للذكرى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.mrhazemawad.ucoz.com
huda
300
300
avatar

عدد الرسائل : 320
العمر : 39
العمل/الترفيه : بالخارج
نقاط : 423
تقييم العضو : 4
تاريخ التسجيل : 01/02/2010

مُساهمةموضوع: رد: الدكتور نسى الفوطة   الإثنين ديسمبر 13, 2010 6:51 pm

لو جات على الفوطه بسيطه سعات بينسو مقص وأدوات أخرى

على العموم القصه الطويله تشفع له المهم ما يكرر الحكايه وفداه مريض أو حتى 10

ياسيدى دا احنا 90 مليون لو كل دكتور موت شويه هيحصل ايه ....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
admin
1000
1000
avatar

عدد الرسائل : 1148
العمر : 50
العمل/الترفيه : استشارى النساء والتوليد
نقاط : 1672
تقييم العضو : 131
تاريخ التسجيل : 03/01/2009

مُساهمةموضوع: رد: الدكتور نسى الفوطة   الإثنين ديسمبر 13, 2010 11:51 pm

الاخ حازم انا طبعا لن ادافع عن الطبيب المهمل
ولكن اقول احيانا الانسان ممكن ينام وهو سايق عربيته وشوف كام روح بتضيع وفى الاخر نقول قضاء وقد
الاخت هدى
تصحيح للمعلومة
نسيان الفوطة اخطر بكتير من نسيان مقص لان الفوطة فى ظرف ثلات ايام بتتعفن وتؤدى الى مصائب لو لم تكتشف بعد هذا الوقت ولو بساعات وتملآ البطن صديد وربنا ما يوريها لحد لا لطبيب ولا لمريض لأن فعلا بيكون حظهم الاتنين اسوأمن بعض وربنا يجعله عامر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://1973.ahlamontada.com
Hazem Awad El sayed
300
300
avatar

عدد الرسائل : 310
العمر : 28
العمل/الترفيه : مدرس لغة إنجليزية
نقاط : 513
تقييم العضو : 0
تاريخ التسجيل : 09/12/2010

مُساهمةموضوع: رد: الدكتور نسى الفوطة   الثلاثاء ديسمبر 14, 2010 1:12 am

كلامك صحيح يا دكتور
وعلى فكرة أنا ما أقصدشي الدكاترة بشكل عام
ولكن هناك لكل قاعدة شواذ - يعني ناك بعض الدكاترة المهملين

وأنا أقدر وأحترم جميع الدكاترة ومنة الطب بشكل عام
وأنا لي العديد من الأصدقاء الأطباء وأقدرم وأحترمهم
وأقدر الصعوبات التي يواجهوها

_________________
.
أبو فارس

اللهم اغفر لنا ذنوبنا وكفر عنا سيئاتنا
----------------------------------
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.mrhazemawad.ucoz.com
 
الدكتور نسى الفوطة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أبناء كفرالشيخ :: المنتدى العام-
انتقل الى:  
facebook