من الحكومة للمواطن

عزيزى المواطن بتاع النضال
يا راكب دماغك و غاوى الحلال
نصيحة يا صاحبى بلاش الخيال
و غمض عيونك و ربى العيال


بلاش المناكفة و لايم و عيش
هتتعب معانا و سهمك يطيش
نلفق لاهلك قضية حشيش
و تصبح حكاية و نكتة و مثال


تعالى و هاودنا و عدى الامور
و عيش فى الطراوة و خش الطابور
لكن لو هتزعل و دمك يفور
هنشهد نهايتك فى بحر الرمال


هتصبح حرامى هتصبح امير
هتصبح حرامى و ندل و اجير
و نقدر نلخبط فى اصلك كتيير
و جدك شحاتة هيصبح شحال


هنحلف ان الحبايب شافوك
بتقبض يا خاين و تقتل اخوك
ساعتها مراتك هتلعن ابوك
و تلطم و تنعى احط الرجال


مالكش انت دعوة بى ايه اللى ضاع
و مين اللى شارى و مين اللى باع
و مين اللى كيل و مين اللى شال


فحب الحكومة و حب السلام
و علم ولادك يشدوا الحزام
علشان بكرة هياكلو حمام
و ينسوا الاسية و ينسوا الهزال


فلازم يا صاحبى تغمض عنيك
و طنش علينا نطنش عليك
و اياك تشاور نقطع ايديك
و تصبح مواطن ما يسواش ريال




عزيزى المواطن بتاع النضال
يا راكب دماغك و غاوى الحلال
نصيحة يا صاحبى بلاش الخيال
و غمض عيونك و ربى العيال

علم وينفذا فورا

علم ولن ينفذ

بلاشك إنتى يا دكتور
بدل ما تلاقي نفسك على لائحة الأسماء المستبعدة من الترشح لإنتخابات مجلس الشعب القادمة
وتبقى عند الحكومة غير محبوب


أنا عن نفسي بحب الحكومة قوي قوي قوي قوي


وعلى رأي الفنان خالد صالح في فيلم عمارة يعقوبيان
" الشعب المصري ماسك في إيد الحكومة كأنها أمة - حتى لو كانت الحكومة ماشية على حل شعرها "
ههههههههههههههههههههه

انا قصدى ولن ينفذ الا كمان شوية
هههههههههههه

ههههههههههههههههههههههههههههههههههه
هههههههههههههههههههههههههههههههههه
هههههههههههههههههههههههههههههههههه

اية يا دكتور احنا مش اتفقنا ان احنا مش ها نتكلم فى السياسة ونعدى امورنا كدا لحد ما نوصل وبعدين نعمل الى احنا عاوزينة دا انت النائب المنتظر مش عاوزينك تضيع مننا احنا حطين املنا عليك
mr_hazem awad
اهلا بيك فى منتدانا وبيننا اخا ويا رب تكون سعيد بو جودك بينا
معلش جت متاخرة لان كان هناك اسباب ابعدتنى عن المنتدى الفترة الما ضية
تمنياتى با التوفيق
اخيك
عزالدين الشافعى.مشرف منتدى ابناء ميت الديبة

أهلا بك يا أبو حبيبة
وشكرا لإهتمامك